होता असाच एक वेडा

होता असाच एक वेडा

होता असाच एक वेडा....
होता असाच एक वेडा.., माझ्यामागे फिरायचा..
वळून बघितला त्याच्याकडे, कि छानसा हसायचा...

रात्री फिरायला जाताना..मागे मागे यायचा..
वारयाची झुळूक बनून हळूच..मला स्पर्शून जायचा...

वाटलं, नशीब दिवसा तरी पिछा सुटला याचा..
पण तेव्हाही हळूच लपून तो माझ्याकडे बघायचा...

हिम्मत तरी किती त्याची..चक्क घरासमोर हिंडायचा!
सर्वांची नज़र त्याच्यावर असतानाही..तो आपल्या प्रेमाची ग्वाही द्यायचा..

न राहवून शेवटी एकदा..मी त्याला विचारले...
आणखी किती दिवस असे..करशील तू हे चाळे..?

म्हटले, किती दिवस असा तू..माझ्यामागे फिरशील..?
आणि किती दिवस माझ्याशी..असा प्रेमाने हसशील..?

म्हणाला, चाळे नसून हे प्रेम आहे माझ्या मनातले....
मला वाटते, तुला मात्र काहीच काळात नाही यातले..

ऐकून त्याचे हे बोलणे..मी खूप रागावले..
म्हटले, 'नाही कळत..आणि कळून घ्यायचेही नाही यातले..'

तो म्हणाला 'ठीक आहे'..पण- प्रेम मात्र मी तुझ्यावरच करेन..
जोपर्यंत हे विश्व राहील...मी तुझ्यासोबत असेन...

आणि हि गोष्ट त्याने खरी करून दाखवली..
खरच, त्या 'चंद्राने' अजूनही ..माझी साथ नाही सोडली..!!